‘Cyffur canser yn caniatáu fi i fynd i briodas y mab’

Pan fethodd triniaeth canser gyntaf Ms Buchan, roedd hynny’n “siom fawr”.

Ond ar ôl darganfod bod gan ei chanser nam genetig cyffredin sy’n gweithio gyda Capiversatib, fe gytunodd i drio’r driniaeth honno.

Fe gafodd y cyffur ei gymeradwyo ar gyfer y gwasanaeth iechyd ym mis Ebrill.

“Wedi’r diagnosis eilaidd, y prognosis gwreiddiol oedd tua pump neu chwech o flynyddoedd, efallai mwy.

“I gael gwybod bod dal modd byw yn hirrach na’r disgwyl, dyna sy’n rhoi gobaith,” meddai.

Mae Ms Buchan ymhlith miloedd yn y Deyrnas Unedig a miliynau ledled y byd a allai elwa o’r cyffur.

“Rwy’n credu fy mod yn ffodus iawn oherwydd bod gen i ŵr a phlant arbennig a’r ffrindiau mwyaf cefnogol.

“Gall y cyffur ganiatáu i fi weld priodas fy mab y flwyddyn nesaf ac edrych i’r dyfodol.”