Cartref yn ‘ddiwerth’ ers tirlithriad Cwmtyleri

Flwyddyn ar ôl y tirlithriad, dywedodd Mr Morgan fod y ddau methu mwynhau’r cartref yr oeddent wedi gwario eu harian a’u hamser arno.

“Mae wedi tynnu’r pleser allan o fyw yma ac mae e wedi lleihau gwerth ein cartref, mae wedi mynd yn ddiwerth.”

Cafodd tua 40 o gartrefi eu gwagio pan achosodd Storm Bert i’r afon o wastraff greu dinistr yn y pentref.

Ar y pryd, disgrifiodd pentrefwyr slyri yn cario “coed a cherrig mawr” ac adeiladau wedi’u gadael yn ddwfn mewn mwd.

Dywedodd Brian Preece, oedd yn byw yno ers blynyddoedd, fod ei dŷ wedi cael difrod difrifol gan ddŵr yn y tirlithriad.

“Edrychais allan o’r ffenest ac roedd y dŵr yn llifo ar waelod y silff.”