Beth sydd wedi mynd o’i le i dîm rygbi merched Cymru?

Y neges yn glir yw cadw’r ffydd ac i aros yn driw i’r cynllun, ond oes ‘na ffactorau eraill sydd angen eu datrys?

Yn ddigon naturiol yn y byd proffesiynol mi fydd perfformiad y tîm a’r hyfforddwyr yn dod o dan y chwyddwydr o ran y canlyniadau siomedig, ond yn fwy o bryder, sut mae’r garfan wedi cymryd sawl cam yn ôl ar eu taith broffesiynol?

Mae Ioan Cunningham o dan gytundeb tan Cwpan y Byd y flwyddyn nesaf, a dyw ei ymroddiad ddim wedi pylu o gwbl er gwaetha’r canlyniadau diweddar.

Dywedodd: “Dwi’n meddwl mai fi yw’r person iawn i arwain y tîm yma, yn amlwg lan i eraill yw hynny, ond ar yr un pryd ma’ rhaid i ni fod yn hollol onest da’n gilydd.”