Bachgen o Fôn sydd â chyflwr ar ei galon yn gwireddu breuddwyd

Mae’r cyflwr ar ochr dde ei galon yn golygu bod lefel ocsigen Oliver yn isel iawn, yn ôl ei fam.

“Mae ganddo Cyanosis, sy’n golygu bod lliw glas ar ei groen yn aml, mae’n blino’n hawdd ac yn teimlo’r oerfel yn fwy.

“Mae o’n cael poenau yn ei frest ac mae o’n cael dyddiau da a dyddiau drwg, ond mae o wastad yn brwydro gyda gwên.”

Yn naturiol, mae Oliver yn edrych ymlaen yn ofnadwy at ei daith, y tro cyntaf erioed iddo gael teithio ar awyren.

“Dwi heb fod mewn awyren o’r blaen ac mi fydd o’n hwyl cael mynd i Lapland i weld Siôn Corn, am fy mod i wedi bod yn hogyn dewr”, meddai Oliver.

“Dwi’n edrych ymlaen at ofyn i Sion Corn am gar pedlo glas a gobeithio ga’i fynd ar y toboggan a’r snow mobile a dwi’n edrych ymlaen at weld eira ac am adeiladu gwesty mawr allan o eira, hefo sawl cegin a ‘stafell folchi ac ella dod â ‘chydig o eira yn ôl i Niwbwrch.”