Arestio pum person ar ôl i ddynes farw yn dilyn gwrthdrawiad

Cafodd pum person eu harestio dydd Iau, meddai Heddlu’r Gogledd.

Cafodd dyn 22 oed ei arestio ar amheuaeth o achosi marwolaeth drwy yrru’n beryglus, tra bod ymholiadau ‘n parhau i ddod o hyd i ail ddyn a adawodd y lleoliad.

Arestiwyd dynes 20 oed, dau ddyn 37 oed, a dyn 50 oed ar amheuaeth o gynorthwyo troseddwr.

Mae’r dyn 22 oed a’r ddynes 20 oed bellach wedi’u rhyddhau ar fechnïaeth amodol wrth i ymholiadau barhau.

Mae’r dyn 50 oed, a’r dynion 37 oed yn parhau yn y ddalfa, lle maen nhw’n cael eu cyfweld gan dditectifs.

Dywedodd yr Uwcharolygydd Beck: “Mae ein cydymdeimlad dwysaf gyda theulu’r ddynes sy’n derbyn cefnogaeth gan swyddogion arbenigol ar yr amser hynod drist ac anodd hwn.

“Rydym yn parhau i ddilyn trywyddau ymholi cadarn i ddod o hyd i ail ddyn a adawodd y lleoliad, a hoffwn glywed gan unrhyw un a all helpu gyda’n hymchwiliadau.”