Angharad i arwain Cymru i’r Euros?

Er fod Angharad yn dweud ei bod hi’n anrhydedd cael ei henwi’n gapten, mae hi’n pwysleisio fod ei ffocws hi ar gael canlyniad da yn erbyn Slofacia nos Wener.

“Mi fydd hi’n foment balch iawn i fi a fy nheulu yn arwain y merched allan. Ond tydi’r gêm ddim amdano fi.”

Mi fuodd Cymru mewn sefyllfa debyg ddwy flynedd yn ôl pan gollon nhw yn rownd gynderfynol gemau ail-gyfle Cwpan y Byd yn erbyn Y Swistir.

“Ni fel grŵp ddim ishe edrych yn ôl, ni’n edrych ymlaen. Ni nawr yn garfan wahanol, ac mae’n sefyllfa wahanol.

“Natho ni ddysgu shwt gymaint yn y gêm yna. Y teimlad ar ôl y gêm – ni ddim moyn teimlo fel’na eto.”