‘Angen dysgu am iechyd meddwl ym mhob ysgol’

Enillodd y wobr Cynnyrch Mwyaf Cymraeg y Byd yng Ngwobrau Mwyaf Cymraeg y Byd mewn seremoni ger Aberystwyth.

Roedd yr enwebiad yn sioc i Ffion, sydd dal ddim yn gwybod pwy wnaeth ei henwebu hi a’i busnes.

Ond dywedodd fod y wobr yn gyfle gwych iddi ddangos ei gwaith.

Ym mis Medi bydd Ffion cychwyn ar swydd newydd yn helpu ysgolion yng Ngwynedd i ddeall anghenion iechyd meddwl plant.

Mae’r llyfr wedi cael ei archebu gan 30 ysgol yng Nghymru, ond mae Ffion eisiau gweld y nifer yn codi.

Dywedodd: “Dwi mor passionate am Enfys o Emosiynau, ‘swn i’n licio fo’n bod yn rhan o’r cwricwlwm a bod o’n cael ei redeg trwy bob un ysgol, bob un feithrinfa.”

Dywedodd llefarydd ar ran Llywodraeth Cymru fod “Cymru yn mynd i’r afael â iechyd meddwl ar lefel ysgol gyfan, ac mae iechyd a lles yn rhan orfodol o’r cwricwlwm newydd”.

“Mae athrawon yn canolbwyntio ar ystod o bynciau, gan gynnwys iechyd meddwl a lles emosiynol, a fydd yn helpu dysgwyr i ddelio â’r cyfleoedd a’r heriau sy’n codi mewn bywyd,” meddai.