Oes modd cynhesu bob tŷ yng Nghaerdydd gyda dŵr dan ddaear?

Mae cyfarwyddwr Kensa – y cwmni a luniodd y model ariannu ac a osododd y pympiau gwres ym Mharc Erin – yn credu y gallai’r hyn sy’n digwydd yno fod yn fodel i’w ddilyn yn ehangach.

“Dyw cost datgarboneiddio ddim yn disgyn ar y trethdalwr fel hyn, mae’r baich hwnnw ar fuddsoddwyr preifat – a dyna’r hyn ry’n ni angen ei weld os ydyn ni am gyrraedd ein targedau.”

Ychwanegodd mai’r nod yn y pendraw yw gweithio yn yr un modd â chwmnïau ynni a dŵr.

“Os oes gennych chi foeler nwy dydych chi ddim yn gorfod talu am y peipiau yn eich stryd,” ychwanegodd.

“Be hoffem ei weld yw rhwydwaith o dyllau turio a pheipiau yn eich strydoedd fel bod modd, pan rydych chi am symud i ffwrdd o’ch boeler traddodiadol, i chi allu prynu pwmp gwres o’r ddaear a’i gysylltu gyda’r rhwydwaith.”