Dyn wedi marw ar ôl taro wal ar 100mya, gan ladd ei ferch 13 oed

Clywodd cwest fod dyn wedi marw ar ôl taro wal campfa tra’n gyrru ar gyflymder o 100mya, gan ladd ei ferch 13 oed.

Roedd John Daniel Roberts, 34 o’r Fflint, yn gyrru ei bartner Jennifer Vale, ei ferch Lacie a dwy ferch ifanc arall adref ar ôl ymweld â theulu yn gynnar ar 22 Ebril 2022.

Terfyn cyflymder yr ardal lle ddigwyddodd y gwrthdrawiad oedd 40mya.

Clywodd y cwest fod tri pherson arall oedd yn y car wedi gofyn iddo arafu.

Roedd Mr Roberts, oedd yn trwsio teiars, i fod i wneud gwaith ar y BMW Saloon a doedd y perchennog heb roi caniatâd iddo yrru’r car.

Fe wnaeth fideos camerâu cylch cyfyng ddangos y car yn gwyro oddi ar yr A548 trwy ffens wifren cyn taro wal campfa Lyons Den ym Magillt, Sir y Fflint.

Bu farw Mr Roberts yn y fan a’r lle o anafiadau i’w ben, a bu farw ei ferch Lacie yn fuan wedi hynny.

Cafodd y dair a oroesodd y gwrthdrawiad eu hanafu’n ddifrifol.