Ysbyty Gwynedd: ‘Annheg’ rhoi dirwyon parcio pan nad oes llefydd

Er i Mr Jones herio’r gosb o £50, sy’n cael ei haneru os yn talu’n brydlon, mi dalodd yn y pendraw, ond mae’n mynnu nad yw’r sefyllfa yn deg.

Mae’n achos y mae’r Aelod Ceidwadol o’r Senedd, Janet Finch-Saunders hefyd yn codi pryderon yn ei gylch.

“Ma’n rhaid bod modd iddyn nhw godi rhagor o lefydd parcio”, meddai.

“Mae’n effeithio mwy na dim ond y cleifion ac ymwelwyr, mae ‘na staff hefyd ac maen nhw’n diolch i mi am godi’r achos.”

Mae’r aelod dros Aberconwy yn galw ar Gyngor Gwynedd i atal rhoi rhagor o ddirwyon nes y bydd ateb parhaol i’r trefniadau parcio.