Ymchwilio i Aelod o’r Senedd yn sgil rhifau gwahanol ar ei char

Yn 2018, yn nyddiau Cynulliad Cenedlaethol Cymru, fe gafodd Ms Passmore ei gwahardd o’r siambr am bythefnos am fethu â rhoi prawf anadlu.

Cafodd ei gwahardd rhag gyrru gan ynadon Casnewydd ar 12 Chwefror 2018, ar ôl cyfaddef methu â rhoi sampl.

Cafodd argymhelliad pwyllgor safonau’r Cynulliad i’w gwahardd am 14 diwrnod ei dderbyn heb wrthwynebiad yn y siambr.

Fe ymddiheurodd ar y pryd, gan grybwyll “brwydrau personol yr wyf wedi cael trafferth eu rheoli”.

Dywedodd Ms Passmore ei bod wedi ceisio gyrru o Gaerdydd i gartref ei mam ar ôl yfed tri gwydraid o win y diwrnod y cafodd ei harestio.

Dywedodd hefyd ei bod wedi cael pwl o asthma ac wedi cymryd dos uchel o’r feddyginiaeth prednisone.

Roedd ei char wedi torri i lawr yn ardal Llaneirwg Caerdydd a thra ei bod yn aros am gymorth fe gyrhaeddodd yr heddlu a gofyn am sampl anadl.

Yn ôl adroddiad pwyllgor safonau, roedd wedi ceisio – a methu – gwneud y prawf ddwywaith.

Dywedodd Ms Passmore ar y pryd nad oedd wedi methu gwneud y prawf yn fwriadol a’i bod o dan bwysau ar ôl methu â defnyddio’i meddyginiaeth asthma yn gywir.