Y môr wrth galon taith Baton y Brenin o amgylch Cymru

 Gemau’r Gymanwlad yn dechrau’n Glasgow ymhen mis, mae Baton y Brenin wedi bod yn teithio drwy 74 tiriogaeth y Gymanwlad ers mis Mawrth 2025, gan obeithio uno’r gwledydd.

Mae’r baton wedi bod yng Nghymru ers 19 Mehefin, ac wedi crwydro o’r Barri i Sir Gâr i Gwm Elan, ac newydd orffen ei thaith ym Mae Trearddur, Ynys Môn.

‘Y Môr’ yw thema’r daith eleni; y thema perffaith i wlad lle mae dros 60% o’r boblogaeth yn byw ger y môr!

Mae Reece Halstead yn gweithio fel Cydlynydd Llythrennedd Cefnfor Cymru gyda sefydliad Y Môr a Ni, a fu’n cydweithio gyda Thîm Cymru a phartneriaid eraill i arddangos pwysigrwydd y môr ym mywydau pobl Cymru.

“Dwi’n meddwl fod gan bawb yng Nghymru berthynas efo’r môr; o fynd am dro ar y traeth, i fyw a gweithio ar y môr, i geisio diogelu’r bywyd gwyllt.

“Ein bwriad ni yn Y Môr a Ni yw dathlu’r berthynas honno, a sicrhau fod gan bawb berthynas iach gyda’r môr.

“Roedd y digwyddiadau yma’n gyfle gwych i ddathlu ein moroedd, arfordir, bywyd gwyllt a’r bobl a’r cymunedau lleol sy’n gweithio i ddiogelu’r môr a hynny efo Tîm Cymru.”