Undeb Rygbi Cymru yn cymryd rheolaeth ar Rygbi Caerdydd

Mae datganiad gan Rygbi Caerdydd ddydd Mercher yn dweud y gallent “gadarnhau bod hysbysiad o fwriad i benodi gweinyddwyr wedi’i ffeilio.”

“Gallwch sicrhau ein bod yn gwneud popeth o fewn ein gallu i amddiffyn ein gweithwyr a dyfodol y clwb.

“Mae gennym ni gynllun yn ei le a byddwn yn eich diweddaru cyn gynted â phosib.”

Mewn datganiad ddydd Mercher, dywedodd PwC bod Helford Capital wedi methu â rhoi’r arian parod i’r clwb, a dyna wnaeth eu gwthio i ddwylo’r gweinyddwyr.

“Tra bod y cyfranddalwyr wedi cyfrannu rhywfaint, maen nhw wedi bod yn sylweddol is na’r symiau gafodd eu cytuno arnynt yn y cytundeb, ac o ganlyniad mae sefyllfa arian parod y Clwb wedi gwaethygu.”

Yn fuan wedi iddyn nhw benodi PwC, fe wnaeth y gweinyddwr werthu busnes y clwb a’i asedau i URC.