Treial yn y gogledd yn ceisio dod o hyd i frechlyn norofeirws

Mae’r brechlyn Nova 301 yn cael ei ddatblygu gan y cwmni fferyllol Moderna.

Mae 25,000 o wirfoddolwyr o bob rhan o’r byd wedi’u recriwtio ar gyfer y treial, gan gynnwys 2,500 yn y DU.

Fel y brechlyn Moderna a gafodd ei ddefnyddio yn erbyn Covid-19, mae’r astudiaeth yma yn cynnwys mRNA.

Pan fydd yn cael ei ddefnyddio mewn brechlynnau, mae mRNA yn dangos rhywfaint o god genetig o’r bacteriwm neu’r firws i gelloedd y corff.

Dydy hyn ddim yn ddigon i achosi haint yn ei hun, ond gall ddysgu’r corff sut i amddiffyn ei hun.

Mae’r corff yn darllen ac yn trosi’r cod ac mae’r celloedd imiwn naturiol yn cymryd drosodd.