Teyrnged i ddynes gafodd ei tharo gan lori ailgylchu yn Llandudno

Meddai’r neges: “Bydd llawer ohonoch wedi gweld yr adroddiad am farwolaeth menyw leol 89 oed a gafodd ei tharo gan lori ailgylchu.

“Mae’n ddrwg gennym nodi mai’r dioddefwr oedd Daphne Stallard, cynorthwy-ydd rheolaidd yn yr Eglwys Iau.”

Mewn datganiad, mae Cyngor Conwy wedi cadarnhau bod cerbyd ailgylchu wedi bod yn rhan o wrthdrawiad angheuol yn Llandudno fore Llun.

Ychwanegodd y datganiad bod y cyngor yn cydymdeimlo gyda theulu a ffrindiau’r ddynes fu farw yn ystod y cyfnod anodd hwn a bod yr awdurdod yn cynorthwyo ymholiadau’r heddlu.

Wrth apelio am dystion, dywedodd y Sarjant Duncan Logan o Heddlu’r Gogledd fod perthnasau agosaf y ddynes wedi cael gwybod a’u bod yn derbyn cefnogaeth gan swyddogion.

“Mae ein meddyliau a’n cydymdeimlad yn fawr gyda nhw yn ystod yr amser anodd hwn,” ychwanegodd.