Teulu o Landeilo’n teithio i America i weld yr eclips

Ar ôl cyrraedd Evansville, aeth y teulu i swyddfeydd y cyngor i gael sbectol arbennig i weld yr eclips.

O sylwi ar eu hacen dyma staff y cyngor yn rhoi’r stori ar eu tudalen Facebook, a dyna sut ddaeth y teulu at sylw’r sianel newyddion.

Yn ôl Evan roedd bod ar y teledu yn America yn swreal.

“O’n nhw methu gweud enw Llandeilo ac i mi mae’n incredible i fod ar newyddion yma, a nawr ni ar y newyddion yng Nghymru,” meddai.

Ar ôl dechrau gwael i’w gwyliau o ran y tywydd, roedd y prynhawn cyn yr eclips yn braf ac yn addo’r gorau.

“Pan gyrhaeddon ni roedd gwynt a glaw ac o’n i’n meddwl bo’ ni wedi dod â’r tywydd o Gymru,” meddai Evan.

“Ond nawr mae’r tywydd lot gwell.”