Strictly Come Dancing yn ‘anhygoel’ ond y wasg yn siomi Wynne Evans

“Mae’r teulu Strictly yn berffaith ym mhob ffordd, maen nhw’n hollol wych,” meddai.

“Mae’r wasg ar y llaw arall yn stori wahanol, a dwi wedi fy syfrdanu bod pobl yn cael ysgrifennu celwyddau… heb unrhyw sail.

“Rydw i’n siomedig ‘mod i wedi gweld yr ochr yna o fywyd.”

Cafodd y darlledwr a’r canwr opera sylw negyddol yn y wasg yn ystod ei gyfnod ar y rhaglen, gyda rhai yn feirniadol o “ymddygiad lletchwith” rhyngddo ef a’i bartner Katya Jones.

Mae Wynne a Katya wedi mynnu mai “jôc fewnol” a gafodd ei “gamddehongli’n llwyr” oedd y digwyddiad.

Ychwanegodd fod y profiad wedi bod yn anodd ar adegau.

“Pan ti yng nghanol y storm, ti jyst yn gweld y papur[au newydd], [dyw] pobl ar y stryd ddim yn darllen popeth, ond dwi’n darllen popeth, a dwi’n [meddwl] ‘everybody hates me‘ neu rywbeth fel hwn.”