‘Roedden nhw’n crio – erioed wedi cael noson mor amazing’

Roedd staff y clwb nos a thîm Llesiant Lleol wedi gwneud ychydig o addasiadau i noson arferol mewn clwb nos – er enghraifft cael y sain ychydig yn is ac ychydig llai o oleuadau yn fflachio.

Roedd y bar coctêls a’r ardd hefyd ar gael fel lle i gael llonydd, ac roedd gweithwyr tîm iechyd galwedigaethol Cyngor Gwynedd yno i helpu, fel rhoi rampiau er mwyn i bawb fedru mynd ar y llwyfan neu i ddawnsio.

Yn ôl arweinydd tîm Llesiant Lleol Eryl Price Williams: “Mae gwneud o fel hyn yn rhoi cyfle i gael y profiad mewn awyrgylch saff, maen nhw’n gwybod bod o’n le saff i fynd, bod pobl ma’ nhw’n nabod yna os oes rhywbeth yn digwydd – ond does ‘na ddim wedi digwydd.

“Ond hefyd mae’n bwysig i roi authentic experience i bobl yn lle disgo mewn neuadd gymunedol neu rywbeth. Mae o hefyd yn rhoi foot in the door i rai pobl fasa isho mynd i nosweithiau eraill mewn clwb hefyd.”