‘Rhoi Pwllheli ar y map’ mewn ras hwylio ar draws yr Iwerydd

Mae’r ras ar draws yr Iwerydd yn rhan o gyfres y Royal Ocean Racing Club.

Eleni yw’r 12fed tro iddi gael ei chynnal, a dyma’r gyntaf o dros 20 o rasys yn y gyfres eleni.

Mae’r ras yn dipyn o her i’r criw ar y cwch Jackknife, sydd wedi bod ar y môr ers dros 10 diwrnod bellach.

Maen nhw ar y blaen ar hyn o bryd yn eu dosbarth cychod bach.

“Cwch fach sydd ganddyn nhw, sy’n 38 troedfedd, o’i gymharu â’r gweddill yn y ras,” meddai Stephen Tudor, tad Thomas.

“Mae’r criw yn socian, y tonnau yn torri ar y cwch a dim lle i gysgodi.

“Mae’n fwy nag unrhyw ras maen nhw wedi ei ‘neud o’r blaen.”