Pryder y bydd Eisteddfodau bro ‘yn darfod’ heb waed ifanc

Mae disgyblion Ysgol Gynradd Llandegfan yn gwneud gwaith arbennig ar yr Eisteddfod leol ar hyn o bryd.

Dywedodd Mrs Davies: “Mae ‘na garfan o fewn yr ysgol, pedair blwyddyn, heb gael profiad o eisteddfod… mae ‘na gydweithio agos efo’r ysgol, mae hynny’n bwysig.”

Mae Cado yn un o’r plant sydd wrthi’n dylunio logo ac yn llunio holiadur i’r Eisteddfod.

“‘Dan ni’n dylunio logo… os ydyn ni’n ennill bydd o ar y medalau, ar siwmperi a bob dim yn yr Eisteddfod,” meddai.

Dywedodd hefyd fod dysgu am hanes yr Eisteddfod yn bwysig: “Mae’n eithaf pwysig, dim ond Cymru sydd fel arfer yn ei wneud, ac mae’r iaith Gymraeg yn bwysig iawn hefyd.”