Prif weithredwr URC yn camu o’i rôl wedi diagnosis canser

Bydd prif weithredwr Undeb Rygbi Cymru (URC) Abi Tierney yn camu i ffwrdd o’i rôl yn dilyn diagnosis o ganser.

Fe fydd Tierney yn cymryd amser i ffwrdd o’i dyletswyddau er mwyn cychwyn triniaeth ar 22 Awst.

Bydd cadeirydd URC Richard Collier-Keywood yn cymryd rhywfaint o’i chyfrifoldebau.

“Dyw hyn ddim wedi bod yn benderfyniad hawdd, ond mae’n un mae’n rhaid i mi ei wneud er mwyn canolbwyntio’n llawn ar fy iechyd a gwella,” meddai Tierney.

“Rwy’n ddiolchgar am y gefnogaeth rydw i eisoes wedi’i gael gan fy nheulu, ffrindiau a chydweithwyr, ac rwy’n hyderus yng ngallu’r tîm i barhau gyda’n gwaith yn ystod fy absenoldeb.

“Gofynnaf yn garedig am ddealltwriaeth a phreifatrwydd yn ystod yr amser hwn.”