Plaid Cymru yn ‘mynd â’r frwydr’ i Lafur a’r Ceidwadwyr

Mae Plaid Cymru’n dweud y byddai pleidlais drostyn nhw yn cadw’r Ceidwadwyr “allan o Gymru”, ac ar yr un pryd yn “dal Llafur i gyfrif”.

Wrth siarad cyn lansiad eu hymgyrch yn yr etholiad cyffredinol, dywedodd yr arweinydd Rhun ap Iorwerth fod ei blaid yn “mynd â’r frwydr” i’r Ceidwadwyr a Llafur ar draws y wlad.

Ychwanegodd mai Plaid Cymru oedd “yn y sefyllfa orau i gynrychioli ein cymunedau yn effeithiol a chynnig dewis amgen cadarnhaol i Lafur a’r Torïaid”.

“Mae neges bositif Plaid o Gymru decach, fwy uchelgeisiol, yn dangos mai ni yw’r unig blaid sy’n rhoi buddiannau’r genedl o flaen buddiannau pleidiol,” meddai.