Peiriant meddyginiaeth ‘arloesol’ cyntaf Ewrop yng Ngwynedd

Mae Sioned Rees, fferyllydd cymunedol yn y gogledd, yn dweud bod y peiriant yn gyfle cyffrous i’r ardal.

“Does dim fferyllfeydd ar agor y tu allan i oriau yn lleol felly mae cleifion yn y gorffennol yn gorfod trafeilio pellteroedd eithaf maith i gael cyflenwad o feddyginiaethau,” meddai.

“Maen nhw’n gorfod teithio beth bynnag awr, felly dydi hynny ddim yn gyfleus pan mae rhywun yn fregus neu’n sâl.

“Felly mae hyn am ddod â darpariaeth llawer iawn mwy agos iddyn nhw.

“Os fysa chi’n glaf yn Tywyn neu Dolgellau, y lle agosaf fysa [Ysbyty] Alltwen, felly mae’n round trip eithaf sylweddol i rhywun – awr a hanner i gael cyflenwad o feddyginiaeth.

“Mae’n gyfle ffantastig i ni dwi’n teimlo ar gyfer y bobl yn lleol, ac mae o am roi ni mewn prosiect sy’n rhoi opsiynau i boblogaeth gogledd Cymru er mwyn gweld be’ sydd ar gael i hybu iechyd y boblogaeth.”