Llambed: Cyfarfod ‘blin’ rhwng myfyrwyr a swyddogion prifysgol

Wrth siarad gyda BBC Cymru, dywedodd nifer o fyfyrwyr eu bod yn ystyried symud prifysgol os ydy’r cynlluniau i symud yr adran yn mynd yn eu blaenau.

Mae’r sefyllfa’n “rhwystredig” gan fod cymaint o gwestiynau heb eu hateb, yn ôl un myfyriwr a adawodd y cyfarfod yn gynnar.

Siaradodd Jamie Fitter yn y cyfarfod, gan ddatgan anfodlonrwydd gyda’r cynlluniau.

“Sut ar y ddaear allech chi ddweud fod hwn yn newid fydd yn ein helpu ni, pan rydych chi’n wynebu ystafell o fyfyrwyr sy’n anghytuno hefo chi?

“Nid ydyn ni’n cytuno, ac rydyn ni’n dweud na.”