Heddlu’n dod o hyd i gar wrth chwilio am ddyn 98 oed sydd ar goll

Mae swyddogion heddlu wedi dod o hyd i gerbyd tebyg i gar dyn 98 oed o ardal Abertawe sydd ar goll ers deuddydd.

Fe gafodd Reginald Rees ei weld ddiwethaf ddydd Mercher, ychydig cyn 08:35, yn gyrru Renault Captur coch ym mhentref Crofty ar Benrhyn Gŵyr.

Dywedodd Heddlu De Cymru brynhawn Gwener eu bod wedi dod o hyd i gerbyd “o’r un disgrifiad â char Mr Rees oddi ar yr arfodir ym Mae Rhosili”.

Ychwanegodd datganiad y llu bod teulu Mr Rees wedi cael gwybod a’u bod yn cael cefnogaeth gan swyddogion arbenigol.

Mae’r car yn cael ei archwilio a’i symud ar hyn o bryd.