
Mae trigolion yn Yr Wyddgrug yn cael eu rhybuddio i gadw eu drysau a’u ffenestri ar gau yn sgil ffrwydrad a thân ar safle cwmni cemegau Synthite yn y dref.
Dywed Heddlu’r Gogledd iddyn nhw gael eu galw gan Wasanaeth Tân ac Achub y Gogledd am 14:34 wedi adroddiadau o dân.
Dywedodd y gwasanaeth tân eu bod wedi gyrru pedwar criw yno, ynghyd ag unedau eraill, yn dilyn “adroddiadau o dân yn yr ardal gynhyrchu”.
Mae gohebydd BBC Cymru ar y safle wedi cael gwybod fod un dyn wedi cael ei anafu a’i gludo i’r ysbyty.
Mae Synthite wedi bod yn gwneud cemegion ar y safle ar Ffordd Dinbych ers yr 1950au.
Mae ffordd yr A541 ar gau rhwng cyffyrdd y Dreflan a chyffordd Rhyd y Golau.
Dywedodd llefarydd ar ran Cyfoeth Naturiol Cymru eu bod yn “cefnogi’r gwasanaethau brys trwy eu cynghori ynglŷn â sut i leihau’r effaith ar yr amgylchedd”.
Source link