Efeilliaid 17 oed eisiau ailsefydlu eisteddfod gadeiriol yn Nefyn

Eu gobaith yw cynnal yr eisteddfod yn Nefyn yn flynyddol, gan greu digwyddiad cyson yn y Gymraeg sy’n cryfhau’r gymuned leol.

“Gobeithio byddai ‘steddfod yn clymu’r gymdeithas ‘nôl at ei gilydd,” meddai Non.

“Mae rhai unigolion yn Nefyn yn teimlo bod twristiaeth wedi gwahanu’r gymdeithas oherwydd bod yna lawer o dai haf yma, ond gobeithio bydd yr eisteddfod yn gyfle i bobl ddod ‘nôl at ei gilydd a dathlu bod ganddon ni rywbeth mor unigryw a sbesial agosach at adra.”

Ychwanegodd Robin: “‘Da ni yn amlwg yn angerddol dros yr iaith a diwylliant Cymru a ‘da ni’n caru bod gennym ni draddodiad unigryw yma yng Nghymru.

“Mae’n bwysig bod ni’n dathlu ac yn ymfalchïo yn be’ sy’n ‘neud ni’n unigryw, ac yn wlad a chymuned sydd mor agos at ei gilydd.

“Felly dylai fod yn gyfle nid yn unig i ddathlu’r Gymraeg, ond rheiny sy’n rhan o’n cymuned ac sydd ddim yn siarad yr iaith ar hyn o bryd hefyd.”