Dedfryd ‘rhy ysgafn’ medd dioddefwr ymosodiad gan hyfforddwr ceffylau

Mewn datganiad effaith dioddefwr, dywedodd Dandridge, o Swindon, ei fod yn meddwl ei fod yn “mynd i farw” yn ystod yr ymosodiad.

“Mae’r foment honno’n dal yn fyw yn fy nghof,” ychwanegodd.

Dywedodd Dandridge hefyd fod yr ymosodiad wedi cael effaith gorfforol a meddyliol barhaol ar ei iechyd, a’i fod yn cael trafferth gyda’r “atgof o deimlo’n gwbl ddiymadferth ac yn ddiamddiffyn”.

“Yn anffodus, oherwydd yr ymosodiad a’r hyn sydd wedi dilyn, dydw i ddim yn teimlo fel yr un person ag oeddwn i o’r blaen,” meddai, gan ychwanegu ei fod yn dal i gael problemau gyda’i fraich a’i law chwith er i’r ymosodiad ddigwydd flynyddoedd yn ôl.