Deddf ‘hanfodol’ i geisio adfer amgylchedd Cymru wedi’i chyhoeddi

Dim ond ar ôl i’r bil ddod yn gyfraith fydd y gwaith o gyflwyno targedau penodol ar arbed ac adfer rhywogaethau a chynefinoedd penodol yn dechrau.

Ychwanegodd Ms Smith: “O ystyried ei fod yn dod ar ddiwedd cyfnod y Senedd, bydd hyn yn rhoi’r cyfle i weithredu newid yn nwylo Llywodraeth Cymru a’r Senedd nesaf a rhaid iddo beidio â gadael ddim amheuaeth am y pwysigrwydd o gynyddu’r gweithredu i wrthdroi colled difrod bioamrywiaeth.

“Wedi datgan argyfwng natur, rhaid i’r Senedd hon sicrhau bod ei hetifeddiaeth yn cynnwys ymateb cryf i natur.”

Disgrifiodd Anthony Slaughter, arweinydd Plaid Werdd Cymru, y mesur fel un “di-hid o wan”.

“Ni fydd llifogydd, afonydd budr, a rhywogaethau sydd mewn perygl fel y gylfinir yn aros am hunanfodlonrwydd di-hid Llafur.

“Mae’r diffyg brys i bobl a’r blaned yn syfrdanol. Bydd cymunedau sy’n dioddef llifogydd rheolaidd, difrod i seilwaith, tirlithriadau, a bywyd gwyllt yn diflannu yn meddwl tybed beth ar y ddaear y mae Llafur yn aros amdano.”