‘Cyfle prin’ i adeiladu morlyn llanw rhwng Cymru a Lloegr

Mae’r adroddiad i’r Hafren yn dweud y dylai llywodraethau Cymru a’r DU greu sefydliad i greu’r morlyn.

Gyda chefnogaeth y sector breifat, fe fyddai’n talu am forlyn fel “prosiect arddangos”.

Gallen nhw hefyd edrych ar ffyrdd o ad-dalu unrhyw golled i gynefinoedd bywyd gwyllt.

Dywed yr adroddiad: “Byddai prosiect morlyn yn darparu profiad peirianneg a monitro byd go iawn o effeithiau amgylcheddol.

“Mae datblygu morlyn llanw yn cynnig dewis amgen cadarnhaol i forglawdd.”

Dywedodd Ysgrifennydd Economi Llywodraeth Cymru, Rebecca Evans: “Rydym am wneud Cymru’n ganolfan fyd-eang ar gyfer technolegau llanw, ac mae Aber Hafren yn ffynhonnell ynni sydd â photensial aruthrol fel un o’r ystodau llanw uchaf yn y byd.

“Rwy’n croesawu gwaith Comisiwn Aber Afon Hafren ac edrychaf ymlaen at weithio gyda Llywodraeth y DU a Phorth y Gorllewin i sicrhau y gallwn fanteisio ar ei botensial tra hefyd yn diogelu’r ased unigryw hwn.”