Comisiynydd y Gymraeg ‘wedi colli’i ffordd’ – Cymdeithas yr Iaith

Wrth siarad ar raglen Dros Frecwast ar BBC Radio Cymru, dywedodd Cyn-Brifweithredwr Bwrdd yr Iaith, Meirion Prys Jones, ei fod yn credu bod “Efa a’r Comisiynydd ar y trywdd cywir.”

Ond, ei fod yn “cwestiynu’n fawr a oes angen comisiynydd arnom ni o gwbl?”

Esboniodd fod y rôl yn “eithaf cyfyngedig”.

“Mae lot o bobl yn camddeall swyddogaeth comisiynydd iaith,” meddai, ac mae “rheoleiddio’n rhan fach iawn o’r swydd – y nod yw ceisio sicrhau bod corff yn gweithredu’n iawn”.

“Dwi’n credu bod ‘na fyrdd llawer iawn mwy effeithiol o becynnu hyn i gyd mewn i ryw fath o sefydliad arall sydd â rôl amlycach a mwy diffiniedig o hybu a hyrwyddo.

“Os edrychwch chi ar sefyllfa’r Gymraeg heddi, nid cymdymffuriaeth â’r safonau yw’r issue mewn gwirionedd, yr issue mewn gwirionedd ydy pam ma’ niferoedd siaradwyr Cymraeg yn disgyn? Pam dyw addysg Gymraeg ddim yn tyfu? Pam bod hanner y bobl ifanc yng Nghymru sy’n mynd i addysg uwch yn mynd i addysg uwch yn Lloegr?

“Ma’ rheina i gyd yn faterion sydd gwirioneddol angen rhoi sylw iddyn nhw.”