Claf canser, 14, i weld Taylor Swift – diolch i haelioni dieithraid

Mae selogion Taylor Swift wedi dod i’r adwy ar ôl clywed am siom claf canser ifanc o Sir Conwy oedd methu aros i weld y gantores yn perfformio, cyn i’w thocynnau elusennol gael eu tynnu’n ôl.

Mae Mali, sy’n 14 oed ac o Hen Golwyn, yn cael triniaeth ar gyfer tiwmor yr ymennydd ers cael diagnosis medwlablastoma fis Tachwedd y llynedd, gan gynnwys llawdriniaeth, cemotherapi a therapi proton.

Roedd wrth ei bodd gan gafodd ei henwebu gan staff Ysbyty Christie, Manceinion i dderbyn tocynnau gan elusen ar gyfer y cyngerdd nos Wener yn Lerpwl,

Ond yna, gyda llai nag wythnos i fynd, fe gafodd y tocynnau elusennol eu tynnu’n ôl gan drefnwyr y digwyddiad, er mawr siom i Mali a’i theulu.

Ond yn dilyn apêl ar y cyfryngau cymdeithasol mae dau berson wedi cynnig eu tocynnau nhw fel bod Mali’n cael mynd wedi’r cyfan.