Cau capel Cymraeg yn Lloegr ar ôl 150 mlynedd yn ‘anodd iawn’

Wrth baratoi i gau’r drysau, mae nifer o’r aelodau wedi dychwelyd i hel atgofion.

Dywedodd Gwenda Roberts, sydd wedi bod yn aelod ar hyd ei hoes, ei bod yn cofio’r capel yn llawn gyda gwasanaethau ac eisteddfodau yn cael eu cynnal yno.

“Dyma ‘nath fy merched ddweud… mae’r lle yma’n deulu. Mae’n drist iawn, ond dwi’n meddwl bod yr amser wedi dod i ni ddeud hwyl fawr.”

Wrth edrych ar hen luniau, mae Glenys Lloyd yn dweud bod gan y capel a’r Gymraeg le pwysig yn y dre sydd dros y ffin.

“Roeddwn i’n crio cyn dod heddiw!”

Mae’n dweud bod y capel wedi galluogi i’r iaith Gymraeg ffynnu yn yr hen dref farchnad a hithau dal i’w chlywed yno hyd heddiw.