‘Canolbwyntio ar be sy’n bwysig ar ôl helbul Llafur Cymru’

Yn siarad ar y rhaglen, dywedodd dirprwy arweinydd Plaid Cymru yn y Senedd, Delyth Jewell, ei bod hi’n “gyffrous” cael menyw yn y rôl ond bod yna dipyn o ansicrwydd.

“Mae cymaint o gwestiynau o hyd ynghylch beth fydd ei gweinyddiaeth, lle bydd ei blaenoriaethau,” meddai.

Dywedodd Ms Jewell fod ei phlaid wedi bod yn erbyn pleidleisio am gyllid Vaughan Gething oherwydd “sgandalau ei brifweinidogaeth… a phenderfyniad ei lywodraeth i gamu’n ôl ar gymaint o bolisïau roedden wedi gweithio gydau’n gilydd arnynt.”

Ond wnaeth Ms Jewell ddim diystyru pleidleisio am gyllideb o dan Eluned Morgan yn y dyfodol.

Ychwanegodd y dylai etholiad brys wedi’i galw ar ôl i Vaughan Gething gyhoeddi ei fod yn sefyll lawr ond ei bod yn hyderus “na fydd pobl wedi anghofio” am helbul diweddar y Blaid Lafur pan ddaw’r etholiad Seneddol nesaf.