Bethan Rhys Roberts yn ennill dwy wobr BAFTA Cymru

Mewn anerchiad i’r seremoni yng Nghanolfan Gynadleddau Rhyngwladol Casnewydd, dywedodd Bethan Rhys Roberts bod “newyddiadura yn newid ar gyflymdra aruthrol”, gyda “lluniau, tystiolaeth ac ymateb yn syth ar ein ffonau o unrhyw le yn y byd”.

Mae’n amhosib darogan, dywedodd, effaith deallusrwydd artiffisal sy’n “gyffrous” ac yn “ddychrynllyd” ar yr un pryd.

“Mewn byd sy’n pegynnu’n gynyddol, yn llawn adroddiadau croestynnol, mae gohebu diduedd a dadlau teg yn bwysicach nag erioed,” fe rhybuddiodd,” yn enwedig wrth i ni edrych ymlaen at ambell stori fawr iawn yma yng Nghymru a thramor.”

Ychwanegodd: “Rwy’n gobeithio bod y wobr yma’n ysgogi newyddiadurwyr ifanc, a menywod yn arbennig, i fynnu ffeithiau, i graffu ac i herio.”