Bachgen 8 oed yn rhedeg 26 milltir er mwyn cefnogi’r digartref

Nid pob plentyn yng Nghymru fu’n treulio hanner tymor yn rhedeg bob diwrnod er mwyn codi arian ar gyfer y digartref.

Fe gafodd Lewys, wyth oed o dref Glyn-nedd, ei dristáu cymaint o weld dyn digartref yn Abertawe nes iddo deithio siwrne o hanner awr yn ôl adref yn ei ddagrau.

Gyda chefnogaeth ei deulu, fe aeth ati i drefnu her o redeg milltir bob dydd, am 26 o ddiwrnodau, gan ddod â chymuned Cwm Nedd at ei gilydd i’w gefnogi ar y ffordd.

“O’n i wedi mynd i Abertawe i siopa’ a nes i weld homeless guy, o’n i wedi rhoi meal deal iddo fe,” meddai Lewys.

“O’n i’n drist, ac wedi teimlo fel o’dd e’n invisible.”