Ateb y Galw: Dilwyn Price

Mae o’n gymeriad cyfarwydd i filoedd o blant fu’n cystadlu yn Eisteddfod yr Urdd eleni…

Dilwyn Price, sydd wedi gwirfoddoli gyda’r mudiad ers degawdau, ydi meistr y seremoni ar Lwyfan y Cyfrwy lle mae’r holl ganlyniadau yn cael eu cyhoeddi.

Cyn i’r camerâu ddod yn fyw at Mari Lovgreen i ddatgelu’r enillydd, Dilwyn Price sy’n cadw trefn a chael hwyl gyda’r dorf… a heddiw y fo sy’n Ateb y Galw.

Yn ddwy neu dair blwydd oed daeth injan stêm i’r stryd lle oeddwn yn byw ym Maes Pennant, Mostyn.

Wrth i Dad fy nghodi i sefyll gyda’r gyrrwr fe agorwyd drws y tân a chlywais y geiriau “Dyma lle mae hogia’ drwg yn mynd!”

Neidiais yn syth yn ôl i freichiau diogel Dad!!

Porth Trecastell, Sir Fôn. Dyma un o lefydd gorau Helen a finnau, lle cawsom gymaint o hwyl ac ymweliadau difyr gyda’r teulu a ffrindiau ar y traeth. Llosgi, chwerthin, oeri, cysgodi…

Mai 12fed 1970 – dyma’r noson pan gafodd Helen a finnau ein cusan gyntaf.

Cyfeillgar, bywiog, direidus

Tra’n aelod o Cantorion Gwalia, o dan arweiniad y ddiweddar Rhys Jones, cawsom gymaint o hwyl cyn ein hymarferion yn rhannu storïau a hel atgofion am rai o gyngherddau gynt – y fâs blodau, a’r piano a’r angen i fynd i’r toiled yn glasur!

Cefais fy ngwers gyntaf nofio, credwch neu beidio, yn neuadd yr ysgol – pawb yn gorwedd ar gadeiriau ac yn smalio nofio.

Un diwrnod oer ym mis Hydref aethom o Ysgol Bryn Pennant i’r Royal Lido, hen bwll nofio awyr agored ym Mhrestatyn, i dderbyn ein gwers nofio gyntaf go iawn.

Wrth reswm roedd Mam wedi sicrhau fod gennyf bar newydd o trunks – rhai gwlân! Neidiais i mewn i’r dŵr oer ac yna… dwi’n siŵr ‘da chi’n gallu dyfalu sut nath y gwlân a’r dŵr wrthdaro!

Daeth deigryn i’m llygad wrth wylio rhaglen teyrnged ar y teledu i’r ddiweddar chwaraewr rygbi Rob Burrow. Am ddyn, a theulu dewr, yn gorfod wynebu byw gyda MND. Roedd Kevin Sinfield yn ffrind mor annwyl a gwerthfawr.

Dwi’n siŵr fod gennyf nifer! Diffyg clywed beth mae Helen yn ei ddweud ydi’r diweddaraf!

Dwi wedi troi tudalennau Lord of the Rings mwy nag unwaith ac yn dal i fwynhau’r antur hudolus.

Yn ddi-os un o’m harwyr ydi Gareth Edwards ond basa’n braf cael sgwrs gyda Tchaikovsky neu Bach neu Handel.

Sut ar y ddaear wnaethant greu gymaint o gampweithiau cerddorol? Pwy oedd yn paratoi’r papur manuscript?

Pan es i draw i 10 Stryd Downing, 1 Fawrth 2016, eisteddais o gwmpas bwrdd a ddefnyddwyd yng Nghynhadledd G8 2013 draw yng Ngogledd Iwerddon.

Efallai roeddwn yn eistedd yn sêt Angela Merkel neu Barack Obama neu Vladimir Putin…

Mwynhau cwmni fy nheulu wrth arwain glamp o Jambori!

Dyma luniau o’n nheulu sy’n golygu gymaint i mi. Pob un yn arbennig iawn a gwerth y byd i gyd.

Gareth Edwards yn sgorio cais dros Gymru i guro’r Crysau Duon!