Y gantores Duffy i ddychwelyd i’w chyngerdd byw cyntaf ers dros 15 mlynedd.

Cafodd Aimée Anne Duffy ei magu yng Ngwynedd a Sir Benfro cyn iddi ddod yn enwog dros nos gyda’i sengl Mercy a’r albwm Rockferry, a ddaeth yn albwm mwyaf poblogaidd y DU yn 2008.

Ond ar ôl rhyddhau ei hail albwm a chyhoeddi bod un arall ar y ffordd, diflannodd, gan adael cefnogwyr a’r diwydiant cerddoriaeth yn pendroni pam.

Bron i ddegawd yn ddiweddarach yn 2020, datgelodd Duffy datgelodd fanylion yr ymosodiad mewn post Instagram sydd bellach wedi cael ei ddileu.

Fis yn ddiweddarach, cyhoeddodd manylion personol ar ei gwefan yn disgrifio sut y rhoddwyd cyffuriau iddi yn ddiarwybod yn ystod pryd o fwyd pen-blwydd a’i chymryd i wlad dramor lle cafodd ei threisio.

Cafodd ei chadw am bedair wythnos cyn iddi lwyddo i ddianc rhag y treisiwr, sydd ddim wedi’i adnabod yn gyhoeddus.

Dywedodd y gantores nad oedd “unrhyw un o gwbl” yn gwybod am yr ymosodiad, a oedd wedi ei gadael â meddyliau am hunanladdiad.