Busnes yn elwa o gynllun gwres dŵr pwll glo

Mae tua 25 litr o ddŵr yn cael ei bwmpio o hen lofa Lindsey pob eiliad er mwyn ei lanhau a’i ryddhau i’r afon.

Gall dwr sy’n llenwi pyllau glo cyrraedd hyd at 20 gradd selsiws, yn dibynnu ar y dyfnder.

Fe wnaeth perchennog busnes, Nick Salini, sy’n cynhyrchu pympiau gwres, cydnabod potensial dŵr y pwll glo lleol ers amser, medde fe.

“Fe osodon ni bwmp gwres sy’n cymryd y dŵr sydd o gwmpas 14 i 15 gradd selsiws, o’r safle trin.

“Rydyn ni’n cymryd y dŵr twym, ei gywasgu nes ei fod yn dymheredd digon da i gynhesu’r adeilad a bydd hwn yn gweithio trwy’r flwyddyn.

“Mae’r system yma wedi’i ddylunio yn benodol ar gyfer yr adeilad hwn.

“Mae’n system sy’n defnyddio 35 cilowat o ynni sy’n ddigon i gynhesu deg o dai newydd a hynny trwy gymryd y gwres naturiol sydd o dan ein traed,” meddai Mr Salini.