Disgwyl i’r gyllideb basio wedi cefnogaeth Jane Dodds

Roedd y gweinidog cyllid Mark Drakeford hefyd yn siarad ar Dros Frecwast fore Mawrth, ble dywedodd y bydd pobl Cymru yn gweld gwahaniaeth oherwydd y gyllideb.

“Ma’ ‘da ni £1.6bn ychwanegol i fuddsoddi yn ein gwasanaethau cyhoeddus,” meddai.

“A bydd pobl ledled Cymru yn gweld y gwahaniaeth mae’n mynd i wneud yn y maes iechyd, maes tai, gofal cymdeithasol ac yn y blaen.

“Ni wedi buddsoddi’r arian newydd sydd wedi dod aton ni, ac mae pobl yn gallu gweld beth sydd wedi digwydd, beth sydd wedi cael ei fuddsoddi, a beth sy’n mynd i fod yn well yn ein gwasanaethau.”

Ychwanegodd: “Dydy’r cyllid, ar ôl degawd o gynni, ddim yn mynd i lenwi pob bwlch sydd ‘da ni, ond ni wedi troi cornel gyda’r cyllid newydd sydd ‘da ni, a mae hwnna yn mynd i helpu pobl ymhob cwr o Gymru.”