Merch yn clywed am ryddhau llofrudd ei mam wrth fynd ar fis mêl

Mae unrhyw garcharor sy’n cael dedfryd oes yn gorfod cydymffurfio ag amodau trwydded am weddill ei oes ar ôl ei ryddhau.

Cafodd Bowen ei alw’n ôl i’r carchar am y tro cyntaf ym mis Rhagfyr 2015 ar ôl torri ei drwydded a bu yno tan fis Medi 2016.

Cafodd ei alw yn ôl eto ym mis Mai 2020 yn dilyn digwyddiad lle cafodd bygythiadau eu gwneud, a bu yn y ddalfa am bedair blynedd a hanner arall.

Wrth benderfynu a ddylid ei ryddhau unwaith eto, dywedodd y panel bwrdd parôl eu bod wedi ystyried ffactorau risg yn ymwneud â’i agwedd at berthnasau, gan gynnwys “eisiau rheoli partner”, “cenfigen” a “methu derbyn fod perthynas wedi dod i ben”.

Clywodd y panel fod Bowen wedi cwblhau rhaglenni yn y carchar i fynd i’r afael â’i dueddiad i ymddwyn yn dreisgar.

Dywedodd y bwrdd parôl eu bod yn “fodlon nad oedd angen carcharu bellach er mwyn diogelu’r cyhoedd”.

Ond dywedodd Anita ei bod yn credu nad yw Bowen “wedi gwneud unrhyw newidiadau i fod yn berson gwell”, yn enwedig mewn perthynas â merched.

“Mae e’n gwneud fi’n grac oherwydd cyn belled ag yr ydw i yn y cwestiwn, ddylai e fyth fod wedi cael ei ryddhau yn y lle cyntaf,” meddai.