Methu cael lluniau o ffôn y ddiweddar wraig yn ‘torri calon’

Dywedodd Martyn nad ydy o wedi gallu cysylltu â rhai o ffrindiau Lynn wedi ei marwolaeth gan fod eu manylion wedi eu storio yn y ffôn.

Hyd yn oed os nad ydy o’n llwyddo i gael mynediad at gynnwys y ffôn, mae’n benderfynol o godi’r mater a gwneud pobl yn ymwybodol o’r anawsterau posib.

Mewn datganiad ar eu gwefan, mae Apple yn dweud: “Rydyn ni’n gweld preifatrwydd fel hawl dynol sylfaenol, ac mae’n defnyddwyr yn disgwyl i ni gadw gwybodaeth gyfrinachol yn ddiogel.

“Ar yr achlysuron trist hynny pan mae cwsmer yn marw, mae Apple yn ei gwneud hi’n bosib i’w hanwyliaid wneud cais am fynediad i’w cyfrif, neu i ddileu eu cyfrif a’r data cysylltiedig sydd wedi ei storio.”

Mae Apple bellach wedi cysylltu â Mr Hall i ddweud y bydd tanysgrifiadau ei ddiweddar wraig yn cael eu canslo.