Toshack: Leighton James yn ‘un o’r asgellwyr gorau erioed’

Fe wnaeth Toshack chwarae gyda James, ond fe wnaeth o hefyd ei hyfforddi yn ystod ei gyfnod fel rheolwr Abertawe.

Fe sgoriodd James gôll hollbwysig mewn gêm yn erbyn Preston North End wrth i’r Elyrch ennill dyrchafiad i’r haen uchaf am y tro cyntaf ym 1981.

“Mae asgellwr ‘go iawn’ yn rhywbeth sy’n brin iawn yn y gêm fodern, ond roedd Leighton James yn un o’r asgellwyr gorau i bêl-droed Prydain ei weld erioed,” meddai Toshack.

“Roedd o’n wych gyda’i ddwy droed – un o’r gorau i mi ei weld, a dwi wedi gweld eithaf tipyn!

“Roeddwn i wrth fy modd yn chwarae yn yr un tîm a fo… Daeth rhai o’r eiliadau gorau i mi gyda Chymru yn sgil gwaith Leighton ar yr asgell. Roedd o’n dipyn o dalent.”