Gemau cyfrifiadurol â ‘mwy o botensial’ i gyflwyno’r Gymraeg i weddill y byd

Mae’r diwydiant yn “tyfu’n gloi iawn yng Nghymru” meddai Mr Williams a dywedodd eu bod nhw fel cwmni yn teimlo’n ffodus i fod yn rhan ohono.

Un o’r elfennau sy’n bwysig ar gyfer y diwydiant gemau, meddai, ydy tuedd pobl i chwarae gemau cyfrifiadurol tra’n symud a thu allan i’r tŷ.

Mae Osian Williams yn credu fod y duedd yma “wedi mynd lan mwy nawr yn y blynyddoedd diwetha'” a bod hynny’n gyfrifol am lwyddiant y consolau cludadwy.

“Dros y blynyddoedd diwetha’ ni obviously wedi bod yn stuck yn y tŷ gyda popeth sydd wedi digwydd [yn y cyfnod clo], ond nawr ma’ lot o bobl ar y move – ond dal eisiau chwarae gemau,” meddai.

Dywedodd Mr Williams fod llwyddiant y diwydiant yng Nghymru yn ddibynnol ar “gefnogaeth a dealltwriaeth y llywodraeth fod gemau yn bwysig fel busnes a diwydiant”.

“Mae’r diwydiant gemau yn fwy na ffilm a cherddoriaeth wedi’u cyfuno,” meddai.