Galw am ymestyn cynllun sy’n arbed cannoedd rhag mynd i’r ysbyty

Rhuthrodd Heather Jenkins o Benparc i’r ganolfan yn Aberteifi yr wythnos ddiwethaf wedi i’w chyfaill gael ei daro’n wael.

“Fi’n dysgu cymorth cyntaf ac o’n i mewn establishment sy’n agos i Aberteifi a colapsodd un o’r dynion oedd ar y cwrs gyda fi,” meddai.

“O’n i’n ffaelu cael ambiwlans am dair awr minimum neu falle’n hirach. Diolch byth bod hwn ar agor.

“O’n i’n gallu rhoi fe yn y car gyda help a dod a fe mewn fan hyn.

“I ddweud y gwir, bydden ni ‘di gorfod mynd i [ysbytai] Aberystwyth, Caerfyrddin neu Withybush, a ma’ hwnna’n 30 milltir o lle y’n ni yn Aberteifi, a hefyd, galle rhywbeth fod wedi digwydd ar y ffordd.

“Ni’n lwcus bod hwn ‘ma, a licien i weld e ar agor 24 awr i ddweud y gwir.”